ಮಳೆ ಮತ್ತು ಭಗ್ನಪ್ರೇಮಿ

ಕರಿಮೋಡ ಕಟ್ಟಿ ಕವಿದು

ಕಣ್ಣಾಲಿ ಕಟ್ಟೆಯೊಡೆದು

ಬರಬ್ಯಾಡ ಅಂದರೂ..

ಬಂತು ಬಂತು | ಮಳೆ ಬಂತು ಬಂತು |

ಮಳೆ ಬಂತು ಬಂತು | ಮಳೆ ಬಂತು ಬಂತು |

ಮುಗಿಲಾ ಅತ್ತು ಅತ್ತು | ಹೃದಯಾ ಬಿಕ್ಕಿಬಿಕ್ಕಿ

ಕೆನ್ನೆ ದಿನ್ನೆ ಇಳಿದೂ..|ಬಂತು ಬಂತು|

ಅಂದು ಸುರಿಸಿದೆ ಪ್ರೀತಿ ಮಳೆ

ಕೆನ್ನೆ ಮೇಲೆಲ್ಲ ಮುತ್ತು ಮಳೆ

ತುಟಿಯ ತುಂಬೆಲ್ಲ ಜೇನ ಹೊಳೆ

ಎದೆಯ ಚಿಪ್ಪಲ್ಲಿ ಸ್ವಾತಿ ಮಳೆ

ಮನದಾಳ ಇಳಿದು ಇಳಿದು | ಚಿಗುರಾ ಬೆಳೆದು ಬೆಳೆದು

ಕನಸಾ ತೂಗಿ ತೊನೆದೂ.. | ಬಂತು ಬಂತು|

ಮಳೆ ಬಂತು ಬಂತು |

ಇಂದು ಏಕಾಂಗಿ ಮಳೆಯಲ್ಲಿ

ಹೃದಯ ಕಿತ್ತೆಸೆದ ಬಿರುಗಾಳಿ

ಕೊಚ್ಚಿ ಹೋದವೋ ಕನಸುಗಳು

ಪ್ರೀತಿ ಸೇರಿತು ಸುಡುಗಾಡು

ನಿನ ದಾರಿಯಲ್ಲಾದರೂ | ತುಂಬಿರಲಿ ಎಂದೂ ಹಸಿರು

ಕನಲಿ ಕನವರಿಸುತಾ.. |ಬಂತು ಬಂತು |

ಬರಬ್ಯಾಡ ಅಂದರೂ..

ಮಳೆ ಬಂತು ಬಂತು | ಮಳೆ ಬಂತು ಬಂತು |

(ಇದೇ ಗೀತೆ ಕೇಳಲು ಈ ಯುಟ್ಯೂಬ್ ಲಿಂಕ್‌ ಕ್ಲಿಕ್ಕಿಸಿ)