ಭಾವಾನುಬಂಧ

ನಾ ನಡೆವ ದಾರಿಯಲೀ ನೀನು

ನೆರಳಾದ ಹಾಗೆ ಅನಿಸುತಿದೆ

ನಾ ನೆಡುವ ಹೂಗಿಡಗಳಿಗೇ

ಮಳೆಯಾದ ಹಾಗೆ ಅನಿಸುತಿದೆ |

ನಾ ದಣಿದು ಬಂದಾಗ ನೀನು

ತಂಗಾಳಿಯಂತೆ ಅನಿಸುತಿದೆ

ತಂಗಾಳಿಯಾ ಸುಳಿಯಾಗಿ ನೀ

ಸ್ಪರ್ಶಿಸಿದ ಹಾಗೆ ಅನಿಸುತಿದೆ ||

ಪ್ರತಿ ಬೆಳಗಿನಾ ಪ್ರಥಮ ಕಿರಣಾ

ಆಹ್ಲಾದವಾಗಿರುವೇ ನೀನು

ಪ್ರತಿ ದಿವಸದಾ ಪ್ರತಿ ಘಳಿಗೆಯಾ

ಆರಂಭವಾಗಿರುವೆ ನೀನು

ಪ್ರತಿ ಹಾಡಿನಾ ಪ್ರತಿ ಸಾಲಿನಾ

ಆನಂದವಾಗಿರುವೆ ನೀನು

ಉಸಿರಾಡುವಾ ಪ್ರತಿ ಉಸಿರಿನಾ

ಉಸಿರಾಗಿಹೋಗಿರುವೇ ನೀನು ||

ನೆರಳಾದ ಹಾಗೆ ಅನಿಸುತಿದೆ

ಮಳೆಯಾದ ಹಾಗೆ ಅನಿಸುತಿದೆ

ತಂಗಾಳಿಯ ಸುಳಿಯಾಗಿ ನೀ

ಸ್ಪರ್ಶಿಸಿದ ಹಾಗೆ ಅನಿಸುತಿದೆ ||

ಪ್ರತಿ ಇರುಳಲಿ ಬೆಳಕು ಚೆಲ್ಲೋ

ದೀಪದೊಳು ಕಾಂತಿಯು ನೀನು

ಪ್ರತಿ ಬೇಸರಾ ಕಳೆದು ಸಂತೈಸೋ

ಆತ್ಮೀಯ ಭಾವವು ನೀನು |

ಆಕಾಶದಾ ಆ ಚಂದ್ರನಾ

ದಿವ್ಯ ಶಾಂತತೆಯಾ ಮುದ್ರೆ

ಏಕಾಂತದೀ ಈ ಬಡವಿಗೆ

ನೀ ಹಾಡೋ ಜೋಗುಳವೇ ನಿದ್ರೆ

ನೀ ಹಾಡೋ ಜೋಗುಳದೇ ನಿದ್ರೆ |

ನೆರಳಾದ ಹಾಗೆ ಅನಿಸುತಿದೆ

ಮಳೆಯಾದ ಹಾಗೆ ಅನಿಸುತಿದೆ

ತಂಗಾಳಿಯ ಸುಳಿಯಾಗಿ ನೀ

ಸ್ಪರ್ಶಿಸಿದ ಹಾಗೆ ಅನಿಸುತಿದೆ ||

https://www.youtube.com/watch?v=UU5vVqmYztY

(ಇದೇ ಗೀತೆ ಕೇಳಲು ಈ ಯುಟ್ಯೂಬ್ ಲಿಂಕ್‌ ಕ್ಲಿಕ್ಕಿಸಿ)